في أول تعليق مطوّل منه على زواجه من أنغام، رد الموزع الموسيقي أحمد ابراهيم على كل الأخبار التي نشرت عنهما في الأيام الأخيرة، وذلك من خلال منشور له عبر حسابه على موقع فيس بوك، بدأه بتوجيه الشكر لكل صحفي واعلامي احترم رغبته في عدم التعليق على خبر زواجه من انغام، وأضاف ابراهيم :"لكن واضح ان السكوت عند بعض الناس بقى يتفهم غلب وخوف ومحدش بيقدّر احترام الواحد لخصوصياته!
انا بعرف اتجاهل على فكره وكنت سكت طول الفترة الاخيرة ورفضت الف برنامج للرد على تجاوزات في حقي وحق زوجتي التانيه او اتهامات كاذبه في حق زوجتي الاولى منسوبه ليا واتهامات من ناس سافلة عاملين (حبايب وقرايب)بيسخنوا الدنيا ضدي وضد زوجتي التانية غيرة وغل لكن ربنا الحافظ.
سكت لاني كبير واعرف ادير بيتي ازاي ومش من هواة الرد و١٧ سنه شغل لا جريت على ماده ولا شهرة لاني شبعان ولاني بتقي الله وبستخيره في تصرفاتي وباخد قراراتي بنفسي واللي عارفني عارف مين احمد ابراهيم .. اللي في الصورة معايا دي مراتي وحطاني فوق دماغها وبترضيني قبل ما تبقى نجمه واهم مطربات مصر والوطن العربي .. محدش بيجبر حد على حاجه واللي في الصورة معايا لا خدتني من بيتي و ولادي ولا خربيت بيت حد ولا الف شخص يقدروا يحرموني من ولادي . استأنف ابراهيم منشوره الذي شمل العديد من التصريحات الصادمة بقوله: "ولادي في حضني وهما و امهم (بنت الاصول) في رقبتي وعايشين في خيري ومن عرقي ومحدش اشتكى عشان حضرتك واللي زيك يشحت بيهم و الحمد لله ولادي زي الفل ومعايا ومامتهم فوق دماغي وشايله لسه اسمي ووش الخير عليا وسواء كملنا او انفصلنا هتفضل ام ولادي وكله نصيب ومش ضعيفة عشان حد يدافع عنها." نافيا بذلك كل ما تردد مؤخرا عن انفصالهما.
وأضاف : احمد ابراهيم طول عمره بيحترم الجميع وراجل وتعب ونجح وهيكمل مشواره وسعيد وراضي وبيتقي الله واللي يعرف يعمل زيه يعمل ويمشي في الصح ويرضي ربنا يعمل.
وأنهى حديثه بقوله :"وأخيرا من حق أي واحده من زوجاتي رفض الوضع وهو حقها! وهعمل اللي يرضيها وفوق دماغي لان كرامة أي واحده منهم من كرامتي
اخيرا بعتذر لاهلي وقرايبي وحبايبي وحتى نسايبي عن أي تجاوز في حقي وحق بيتي أضرهم بسبب التضليل والحشرية و حسبي الله في كل من ظلمني".
لبلبة: أم كلثوم أعطتني منديلها وطلبت مني أن أقلدها
سيرين عبد النور تحتفل بعيد ميلاد كريستيانو بهذه الكلمات المؤثرة
بالفيديو: إيمي سمير غانم تقود النجوم في حملة لمكافحة تعذيب الحيوانات
لمشاهدة أجمل صور المشاهير زوروا أنستقرام سيدتي
