تعرّض الفنان محمد حماقي لموقف محرج، بعد ما نشرته فتاة اسمها زينة محسن، عبر حسابها على موقع التواصل الاجتماعي "فيس بوك"، حيث كتبت زينة مؤكدة أنها تعرضت لموقف محرج من السيدة فاطمة درة، حماة الفنان محمد حماقي "والدة زوجته"، وأوضحت زينة ما حدث بالتفصيل، بقولها: "إمبارح حصل معايا موقف غريب.. كنا رايحين أنا وأهلي gazala bay وكان معايا واحد من صحابي، مالك من القرية، وقاعدين على البحر، واضطر هو يروح يعمل حاجات، في الوقت ده لقينا (محمد حماقي وزوجته) قاعدين جنبنا، وبعد شوية مشيوا، الموقف كان عادي لحد دلوقتي."
محاولات لطرد الفتاة من على الشاطئ
واستأنفت حديثها: "بعد كده.. مرة وحدة لقينا راجل أمن ومعاه اتنين أو تلاتة بيطلبوا منا نسيب الشمسية، مع العلم إننا كنا قاعدين تحت شمسية الزوار، وفجأة لقينا ست كبيرة جاية من بيتها ما كانتش قاعدة على الـ beachوبتتكلم معانا بطريقة غير لائقة، وبتقول لنا ما ينفعش تقعدوا هنا.. وبتسألنا: إنتو تبع مين؟ مع العلم إن إحنا اديناها اسم owner ورقم الفيلا، وقعدت تقول إنها من مجلس الإدارة، وبتقدر تمشّي الزوار تبع الفلل، وتقول إنه كل الناس اللي قاعدة على البيتش زي سيدي بشر، وحصل تفاصيل كتيرة؛ تطاول وسبّ، وحتى بعد ما اتكلمت مع المالك، ما فكرتش تيجي تعتذر، ومشيت على طول على بيتها، وفي الآخر بنكتشف إنها حماة محمد حماقي (فاطمة درة) كانت عاوزة تفضيله البيتش، مع العلم إن المكان اللي كنا فيه كان فاضي".
وأوضحت: "ملخص الكلام إنه مش من الطبيعي عشان في ناس قاعدة جنب مغني، إن مراته يكون لها الحق تكلم مامتها عشان تيجي مخصوص ليا أنا وعائلتى تتكلم معانا عشان نمشي، وده عيب أوي، ومش من الذوق والاحترام. طريقة تعامل الفنانين مع الناس مرفوضة، مع العلم إن الناس هي اللي خلتهم فنانين وعملتلهم قيمة".
واختتمت البوست قائلة: "كدة كتير.. تلطيش من حماقي وعسيلي."
وحتى الآن، لم يرد حماقي على أي من هذه الاتهامات عبر أي من حساباته الرسمية على مواقع التواصل الاجتماعي، رغم تداول المنشور من قبل عدد كبير من محبي النجم الشهير خلال الساعات الماضية.
لمشاهدة أجمل صور المشاهير زوروا إنستقرام سيدتي
ويمكنكم متابعة آخر أخبار النجوم عبر تويتر "سيدتي فن"
