نشرت الفنانة دينا الشربيني نعيًا لصديقها الفنان هيثم أحمد زكي، بكلمات مؤثرة أبكت محبيها، حيث كتبت عبر حسابها على انستقرام :"أنا مبعرفش أكتب ولا عمري كتبت.. بس أنا مش قادرة اصدّق أني مش هشوفك تاني!! ولا هتكلمني في التليفون تاني، وتقولي يالا نتقابل..ولو مردتش عليك ألاقيك باعتلي مسدچ بتقللي طظ فيكي مش هكلمك تاني ، وأول ما ابعتلك أقلّك يا بني ملحقتش أرد، ده التليفون رن مرتين تقلّلى خلاص إمسحى المسدچ وكأني مبعتلكيش حاجة..
أضافت دينا :"طول اليوم كنت بهرب من أني أصدق إن ده حصلّك أنت يا هيثم...لحدّ ما جيت انام دلوقتي ومش هاين عليّا أنام واحنا سايبينك لوحدك..
كنت دايمًا تقلّنا كلنا اسألوا عليّا لحسن أموت لوحدي ومحدّش يِعرف..
كنت طيب وجدع وحنيّن، وعامل زي العيال الصغيرة ..
وتابعت دينا في حديثها عن الراحل هيثم أحمد زكي: "نفسي نحب بعض كلنا ونخاف على مشاعر بعض ، مش لازم نستني حد فينا يموت علشان نفهم إن الدنيا مش مستاهلة..
هيثم شاف أيام صعبة وضغط كبير من الناس وتنمّر ومقارنة مش عادلة، وللأسف مشافشِ حب الناس اللي احنا شايفينه دلوقتي..
واختتمت قولها بهذه الكلمات:
"أنا عارفة إنك فى مكان أحسن من اللي احنا فيه وسط حبيبك..كان نفسك ترحّلهم واديك روحت يا هيثم.."
ولاقت كلماتها الكثير من إعجاب محبيها ممن أكدوا أنها تسببت في بكائهم، وعبّر عدد كبير من زملائها الفنانين، عن حبهم وإعجابهم بهذه الكلمات، منهم أيتن عامر وحلا شيحة، ورشا شيحة، وصبا مبارك وغيرهنّ.
لمشاهدة أجمل صور المشاهير زوروا أنستغرام سيدتي
ويمكنكم متابعة آخر أخبار النجوم عبر تويتر "سيدتي فن"
