لم تتردد عجوز ستينية في إقامة دعوى خلع ضد زوجها أمام محكمة الأسرة في محافظة الجيزة، وقالت في دعواها أمام القاضي: «اكتشفت أن زوجي تزوج بواحدة مطلقة عندها ثلاثين سنة يعني قد بناته ولما واجهته قالي خلاص كفاية أنا ضحيت بشبابي معاكي، وإنتي كبرتي وعايز أشوف حياتي ونفسي، لمي هدومك بقا وامشي من الشقة عشان العروسة الجديدة جاية».
وشرحت الزوجة سامية 65 سنة تفاصيل دعواها قائلة إنها تزوجت منذ 40 سنة ولديها 3 أولاد متزوجين، وكانت دائماً تقف بجانب زوجها وتساعده، فقد اعتاد زوجها الخسارة دائماً في أي مشروع يدخله ويفقد رأس ماله: «كنت بقف جنب جوزي في كل مشكلة كل شويه عايز فلوس كل شوية يفتح مشروع ويفشل ويتداين من الناس وأنا أسدد له وكان عندي شقة بعتها عشان أجهز ولادي وهو على طول يقول مش معاه فلوس حتى اتحلت على المعاش على درجة مدير عام وأخدت مكافأة نهاية الخدمة مبلغ كبير شوية منه ساعدت بيه ابني لأن أبوه رفض يساعده والباقي سددت ديون جوزي في الآخر راح اتجوز وحدة عيلة».
وتابعت العجوز حديثها بأنه بعد زواج ابنها الثالث شاهدت زوجة ابنها، حماها مع سيدة غريبة، وعندما علمت الزوجة الستينية بذلك بدأت تتابع زوجها حتى توصلت إلى أنه متزوج من فتاة ثلاثينية في عمر أولاده: «بعد ما عرفت طردني من البيت بكل بجاحة عشان يجيب العروسة الجديدة لولا أولادي ربنا يكرمهم أجرولي شقة جنبهم كنت اترميت في الشارع، حتى مرضيش يديني عفشي، خد شقتى وتعب السنين اللي حطيته فيها، وطردني من غير ما يفكر هيكون مصيري إيه بعد العمر دا كله، عشان كده قررت أنهي حياتي الزوجية بالخلع لأني اكتشفت أن زوجي خاين للعشرة ورحلة عمر طويلة».
الموضوع السابق
الموضوع التالى
