انتقد الفنان خالد الصاوي نفسه بشدة، على قراره بتأخير الزواج والإنجاب، مؤكداً أن الغرور وحده السبب وراء تأجيل مشروع الزواج حتى وصل لعمر الـ 48 عاماً، وقال إن الخوف من انتقال فيروس C لأولاده كان السبب في تأخير فكرة الإنجاب، وفي الحالتين هو نادم على مرور كل هذا الوقت.
أضاف خالد الصاوي خلال حواره مع الإعلامية لميس الحديدي ببرنامج "كلمة أخيرة": أنا اتجوزت متأخر وأنا عندي 48 سنة، كنت غبي ومغرور وكنت محوش ومستخسر نفسي، وكان لازم أتجوز مراتي من بدري وهي مالهاش مثيل، ومن أخطائي إني تأخرت في التفكير في الإنجاب، وكنت خايف فيروس C إللي عندي ينتقل لـ الأولاد لو خلفت.
خالد الصاوي: خسرت وقت كثير من عمري
أضاف خالد الصاوي، معركتي مع الوقت كنت غبي أوي فيها، خسرت وقت كتير جدًا ونقطة الغباء اللي عندي عايز أقولها علشان أبقى مفيد، تخيلوا إللي عنده 40 سنة أصغر مني، وبقول للشباب خلوا بالكم علشان الصحة والفلوس، والوقت حاجات مش مطلقة، وهتبقى طول الوقت موجودة، والملذات هي الفخ ومتخليش الفخ ده يطير عمرك وصحتك وأحلامك، حاول تفرمل بدري.
خالد الصاوي: دفعت دم قلبي لعلاج فيروس C
وتحدث خالد الصاوي عن تجربته مع المرض قائلا: أنا كنت مريض بفيروس سي، وبعد ما دفعت دم قلبي في تكاليف العلاج بالخارج في الآخر تعالجت في بلدي، وأشكر وزارة الصحة المصرية وأطباء بلدي، والمشروع العظيم الذي قامت به الحكومة المصرية لعلاج مرضى فيروس سي، والتجربة أثبتت إن الأمراض المتوطنة يجب علاجها في بلدها.
شاهدي المزيد: فيديو: بعد إعلان تكريمه بالمهرجان القومي للمسرح.. تعرف على مسيرة خالد الصاوي مؤلفاً ومخرجاً مسرحياً
واستكمل خالد الصاوي حديثه قائلا: تجربة المرض كانت مهينة في أولها وانتهت بالإيمان، لإني كنت مغروراً جداً وشايف نفسي إن صحتي تمام وقوي ومستقل برأيي، ودخول التجربة يخلي الواحد يحترم نفسه ويؤمن بربنا والقضاء والقدر والرضا، ويبدأ في إصلاح علاقته بالكون.
خالد الصاوي اعتذر عن بطولة "ليه تعيشها لوحدك"
وكشف خالد الصاوي عم مفاجأة تتعلق بفيلمه الأخير "ليه تعيشها لوحدك" قائلا: حبيت فيلم ليه تعيشها لوحدك جدًا واعتذرت عنه، لأني كنت عارف إني هدخل تجربة هتتعبني ومشاعر السن والعجز والمرض والمقاومة هتفكرني بحاجات في حياتي أنا مريت بيها وتعبت فيها والحاجات دي أنا بصدقها وباخدها بجد.
وأوضح خالد الصاوي: أنا معنديش دلوقتي غير الفن وإني أتقن شغلي وبقى عندي خبرة، فمعنديش حاجة خالص أعملها غير إني أحاول اتقن شغلي، وأنا بشكر أسرة الفيلم وصناعه أنهم أصروا عليا، قالولي معلش اتعب ولكن هتعمل فيلم كويس وهيفضلك، وخبرتك في الحياة بتفرق في التمثيل، يعني أنا جاي أعمل مشهد مرض هفتكر فترة المرض اللي كنت فيها، عملت حاجة صح أكيد وحاجة غلط أكيد وتوبت أكيد وعلمت بلاوي أكيد، وهو ده التمثيل.
خالد الصاوي: مش مصدق إني عمري 60 عاما
وأضاف خالد الصاوي: أنا تميت 60 سنة ومش مصدق أنا أعيل من سني، وأنا عايز اتمرت بوكسينج وحديد، أنا دلوقتي بقيت كويس والأول مكنتش كويس لأني كنت بعمل حاجات متناسبش سن الـ 60 سنة.
أبطال فيلم ليه تعيشها لوحدك
فيلم ليه تعيشها لوحدك، من تأليف أحمد عزيز وتحت قيادة المخرج حسام الجوهري، وضم الفيلم العديد من الفنانين، منهم: خالد الصاوي، خالد عليش، أمينة شلباية، سلمى أبو ضيف، فاطمة عادل، محمد رضوان، رؤى شانوحة.
لمشاهدة أجمل صور المشاهير زوروا «إنستغرام سيدتي»
وللاطلاع على فيديوغراف المشاهير زوروا «تيك توك سيدتي»
ويمكنكم متابعة آخر أخبار النجوم عبر «تويتر» «سيدتي فن»
