رفضت الفنانة شيرين عبد الوهاب عرض الصلح المقدم من شركة روتانا لتصفية الخلافات بينهما وفسخ العقد بالتراضي، مؤكدة أنها طلبت الصلح سابقا وتصورت أن الرد سيكون وديا ولكنها تلقت رسالة بضرورة سداد الشرط الجزائي وتعويض تقدره شركة روتانا حتى يتم فسخ العقد.
وكشفت شيرين عبد الوهاب في مكالمة هاتفية مطولة مع الإعلامي عمرو أديب لبرنامج "الحكاية" أن شركة روتانا ألحقت بها أذى كبيرًا وحذفت أغانيها من المنصات بشكل متعمد، مؤكدة أنها ستنشر الأغاني بطرق أخرى، وقالت ساخرة: هنزل الأغاني على البوتاجاز.
أشارت شيرين عبد الوهاب إلى أنها تواصلت مع طوني سمعان، من روتانا، للاستفسار عن كيفية تسوية الخلافات المالية مع الشركة إلا أنها تلقت ردًا غير مرضٍ من المدير التنفيذي للشركة، سالم الهندي، الذي طلب مبلغ الشرط الجزائي بالإضافة إلى تعويض تحدده الشركة.
شيرين عبد الوهاب: أنا ضاع من عمري كثير
ورفضت شيرين بحسم أي عرض للتصالح مع شركة روتانا قائلة: اسفة انا ضاع من عمري كتير اوي.. ونجاحي الناس هي اللي عملته وبهديهم الاغاني بتاعتي ببلاش، لأنهم يستحقوا ده، انا فلة شمعة منورة وكتر خير الجمهور على حبهم ليا.. وأنا مش محتاجة شركات.
شيرين: فيه مؤامرة معمولة عليا علشان أقعد في البيت.. وصوتي ده مش هيسكت ابدا وهفضل اغني وماحدش هيوقفني
يعرض الآن مجاناً على شاهدhttps://t.co/MmxYG3fmqk #الحكاية#MBCMASR pic.twitter.com/nnEPkvEEUt
— MBC مصر (@mbcmasr) August 23, 2024
وأضافت شيرين أنها لم تتقاضى المبالغ التي تُشاع في الإعلام، مشيرة إلى أن المبلغ الذي ذكرته الشركة لا يُقارن بما تتقاضاه في حفلة واحدة، مؤكدة أن الشركة لم تلتزم بالعقد الموقع بينهما، إذ أنها سلمت أغاني خلال جائحة كورونا لكن لم تُجرى لها أي دعاية مناسبة.
شيرين عبد الوهاب: كل ما قيل عن الأزمة مع روتانا غير صحيح
وطلبت شيرين عبد الوهاب من الجهات المختصة في مصر التدخل لحمايتها مؤكدة أنها تتعرض لمؤامرة هدفها الأول منعها من الغناء وقالت أن كل ما قيل حول أزمتها مع شركة روتانا سواء من المحاميين وحتى المحامي الخاص بها حديثهم غير صحيح.
وتابعت شيرين: انا تعاقدت مع شركة روتانا ومع احترامي للشخص اللي اتكلم وقال بعد ما خدنا ونضفنا ولمعنا هي وخداني نجمة الوطن العربي، وقسمًا بالله العظيم كل اللي اتكلم كلام غلط حتى المحامي بتاعي وشيرين عبد الوهاب لو متعملهاش دعاية توازي حجمها دوليا وعالميا يعتبر العقد منتهي وأنا السبب في نجاحي الجمهور واللي بيحبوني سلمتهم أغنية كلها غيرانة نجحت جدا ومتعملهاش دعاية بخمسة جنيه.
وقالت شيرين: اتعلمت اسكت علشان كان بيتقال شيرين بتاعة مشاكل وعايزة أقول لروتانا انتو مستنين الأغنية الرابعة عشان تسألوا عن التنازلات.. أنا كان معايا شخص سلم أغنية ليا لشركة انغامي ومشيته عشان أنا شغالة مع روتانا وكلمت مدير روتانا في مصر وقولتله تبعت انذار للشركة ووقف الأغنية وقضيهم وخد منهم تعويض لكن بعتولي أنا واخدوا مني 2 مليون جنيه رغم أنه مفيش ورقة يبين اني موافقة على البيع.
وواصلت: أنا كنت متفقة على حاجات كتير في العقد هما بوظوها.. هدور ليه على شركات أمضي معاهم وانا عندي شركة موجودة والاغاني جاهزة.. روتانا عايزاني حصري في الحفلات اللايف.. وأقسم بالله أن روتانا امتنعت عن استلام الاغاني بسبب ده، وانا بناشد بلدي إني مطربة كبيرة جدا عايزاها تحميني من الكلام اللي بيحصل دلوقتي.. أنا قرش وعندي سنان حامية جدا وبتطلع وقت اللزوم.
يمكنكم قراءة: شيرين عبد الوهاب عن هيفاء وهبي: عملت معايا ما لم يفعله أقرب الناس
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
