خرجت مي أبو ربيع طليقة الفنان وائل عبد العزيز شقيق النجمة ياسمين عبد العزيز، عن صمتها بعد الزج باسمها واسم ابنها في الصراع المحتدم بين طليقها وبين الفنان أحمد العوضي، وأكدت أنها تنفق على ابنها بنفسها ولم تتلقى دعما ماليا من عائلة زوجها السابق، وأوضحت تفاصيل إنفاق ياسمين عبد العزيز على صغيرها.
وأضافت مي عبر منشور بموقع الفيس بوك: أنا طليقة وائل عبد العزيز أخو ياسمين عبد العزيز.. أولا وائل مش بيصرف على ابنه من يوم ما اتولد وأنا انفصلت منه وابني عنده ٥ شهور ولحد دلوقتي ولا بيصرف عليه ولا حد من أهله بيصرف علي ابني غيري.
وتابعت: ابني عنده دلوقتي ١١ سنة، مؤخرا بس من ٣سنين ياسمين قالتلي أنا متكفلة بمصاريف الدراسة دفعت سنتين ومش المصاريف كامله كمان.
واختتمت: بعد كده قالتلي أنا ظروفي متسمحش ادفع مصاريف تاني.. قلتلها انتي اللي عرضتي تدفعي قالتلي (ورجعت في كلامي في مشكلة!!) ده الموضوع باختصار.. وياريت محدش يجيب سيرة ابني لو سمحتوا.. وحقي وحق ابني هاخده بالقانون.
المثير أن مي حذفت المنشور فور ترويجه ضمن حملة الإساءة لزوجها السابق وائل عبد العزيز، وبعدها قامت بإغلاق حسابها نهائيا، حتى لا تتورط أكثر في الأزمة المشتعلة بينه وبين الفنان أحمد العوضي.
يذكر أن الفنان أحمد العوضي قام بمعايرة الفنان وائل عبد العزيز بإنفاق شقيقته على ابنه الوحيد وقال: انهي بيت اللي ادخله من بابه..ان كانت هي اللي بتصرف عليك وعلى ابنك اللي مخبيه وراميه وهي بتدفعله مصاريف مدرسته ...باب ايه يابني ادخله .. هو انا شوفت راجل واقف جنبها.. دي واحدة انت مابتعملش حاجة غير انك بتستنزفها هي و مامتها.. باب ايه يابني اللي هدخله من بابه واكلم واحد بيتكلم على عرضه و لحمه قدام الناس .. يابني انا من عين شمس منطقه شعبيه اتربيت على ان الاخت والام والست الكلام عليهم من الكبائر .. عربية ايه يابني أنا أجري الحمد لله يعيشني كويس و يجيبلي عربية حلوة وبيت كويس .. بمجهودي و شغلي مش على عرق واحدة ست .. باب ايه يا حبيبي اللي ادخله و انت اصلا عايش باسمها.. انا شقيت على حالي بعرقي .. لكن انت فشلت في كل شيء .. فشلت كممثل وفشلت كأب وفشلت كأخ وفشلت كبني أدم.
لمشاهدة أجمل صور المشاهير زوروا أنستغرام سيدتي
ويمكنكم متابعة آخر أخبار النجوم عبر تويتر "سيدتي فن"
