كرمت وزارة الثقافة الجزائرية في ختام شهر التراث الثقافي الفنانة الشابة الجزائرية كنزة مرسلي بمناسبة إختتام أيام اللباس التقليدي الجزائري.
كنزة تسلمت الدرع في حفل تمت فيه مراعاة كل الاجراءات اللازمة للوقاية من فيروس كورونا، وغنت على المسرح أغنيتها "قتال".
طعم خاص لتكريم الفنان من بلده
وفي هذا السياق، نشرت كنزة فيديو لها خلال التكريم من الاحتفالية، أرفقته بتعليق: "تكريم الفنان من بلده عنده طعم خاص، وهاد الجملة لاطالما سمعتها و انا طفلة لما كنت نشوف مختلف و أكبر الفنانين يتكرمو من بلادهم ، كنت نقول يا درا علاش كلهم يقولو نفس الجملة !؟ زعما كيفاش داير هاد الاحساس ؟! و هل رح يجي يوم و نحسه".
وتابعت كنزة: "و راهو جا النهار اللي وقفت فيه نفس الوقفة و حسيت نفس الاحساس و ربما اعمق لان التكريم جا من طرف جهة رسمية كوزارة الثقافة و الفنون ، هاد الشي اللي يزيدني فخر و اعتزاز بانتمائي لهذا البلد العظيم و شعبه الأعظم".
كنزة: آمن بنفسك وثق بيها
وأضافت: "الحاجة اللي حبيت نوصلها لكم انه اذا عندك حلم او حدس معين ، اتمسك بيه و عمرك ما تقول لاااا راني نتخايل او لا راني نحلم في باطل !أمن بنفسك و ثق بيها و ما تستسلمش و ساعتها كل الأحلام ستصبح حقيقة مهما طال بيك الزمان مهما قابلت ناس محبطة في بداياتك اللي تحاول تهدمك و تقلل من طموحك و قدراتك ... اغلق ودنيك و عينيك عن هاد الاشياء و افتحها فقط للتطلع على كل ماهو خير ليك و يخدم اهدافك ".
وشكرت كنزة كل جهة و مؤسسة ساهمت في هذا الشهر الذي كان حافلا بالتظاهرات المشرفة في تاريخ الثقافة الجزائرية و تراثها العريق .
وتوجهت كنزة بالمباركة في ختام منشورها لكل المبدعين الذين كرموا في هذه المناسبة وقالت: "نبارك لكل اللي تكرمو في هاد المناسبة و تحية موصولة لكل جزائري يساهم في اعطاء صورة جميلة عن الجزائر و ثقافتها وين ما كان".
