إيمي سالم في يوم ميلادها: لا أريد النكد ولكن هذه أصعب سنوات حياتي

على غير عادتها احتفلت النجمة المصرية إيمي سالم بيوم ميلادها ال 41 بمنشور حزين، أكدت فيه أنها تمر بأصعب سنوات حياتها، ليس بسبب فيروس كورونا وحسب، ولكن بسبب قرارها مغادرة مصر برفقة أولادها والاستقرار في لندن.

إيمي شاركت أصدقائها حزن يوم ميلادها بصورة تكشف عن وحدتها، وعلقت عليها عبر حسابها بموقع الفيس بوك برسالة حزينة طويلة بدأتها بالتأكيد على أنها لا تريد النكد، ولكن هذا العام كان من أصعب السنوات التي مرت عليها.

وقالت: انا مش عايزة اقلبها نكد ... لاني بحب يوم عيد ميلادي قوي ... و بيبقى يوم مقدس ..طول عمري بجهز له قبلها بأسبوع...عشان بحب احتفل بيه و معايا كل اللي بحبهم ... بس بما  ان السنه كلها مكنتش سنة عادية من كل الاتجاهات. .. فبالتالي احب أوضح انها كانت من أصعب سنين حياتي

أضافت: عملت بيت من الزيرو في بلد ما فيش فيها اهلى و صحابي، وابتديت شغل جديد في مجتمع مختلف و قلقانة جدا بالرغم اني عارفة انها خطوة صعبه بس مهمة قوي في حياتي المهنية و في بند تحقيق الذات.

تابعت قائلة: امي اللي لسه الحبل السري ماتقطعش منها ( و يا رب عمره ما يتقطع) مش معايا ... و مجرد انها بعيدة عني ببقى خايفة من كل حاجة، وبقيت بتنشق على أكل جدتي اللي كنت بقولها ماليش نفس و هي من صباحيه ربنا في المطبخ ... المطبخ اللي مكنتش بغسل كوبايه فيه ... دلوقتي بعمل منيو لكل يوم و ادعي لها في كل رشه ملح ..يبارك لنا فيها و يطول في عمرها و تفضل تعملنا كل اللي هي معودانا عليه.

وواصلت الشكوى قائلة: أصحابي اللي بقعد افضفض لهم و اتعصب و اضحك و ارغي معاهم بيني و بينهم مسافات، وناس كتير كان ليهم قيمة كبيرة عندي طلعوا بطاطس بجذر (لاهي نافعة في قلي و لا سلق).

ووصفت حالها في الغربة قائلة: بشتغل و بعمل homeschooling وما ادراك ما الhomeschooling في تفكيك الروابط الاسريه بين الام و الأولاد، ولدي التزامات مالهاش اول من اخر ... اللي طول عمر مامي هي اللي كانت شايلاها  ... بقيت انا بس اللي بعملها (بطلت اعد كام انهيار عصبي واجهته) .

وأضافت: ناس بحبها مشيت من غير ما أودعها... اهل صحابي مشيوا من غير ما اكون جنبهم .. دموع وجع نزلت من ناس عزيزة عليا قوي ماعرفتش امسحها.. ناس فرحت معرفتش اكون جنبها في فرحتها ... كل الحاجات دي بتفرق معايا و في نفسيتي كتير قوي ...

واختتمت رسالتها الحزينة قائلة: سنة مريرة و صعبة و غيرت حاجات كتيرة فيا ... بس بقيت بحمد ربنا في كل نفس على كل حاجة و لو صغيرة جدا.... و نعم فعلا مش ملاحقة أعدها عشان اشكره عليها ... وبقيت مش شايلة من حد ... حتى الواطي بقى بيصعب عليا ... مابقاش في وقت للزعل و لا للكره و لا حتي للسوشيال ميديا .. واعتقد ان ده معني كلمة اني اول سنة احس اني فعلا كبرت.

أضافت: مش عارفة اقول شكرا لمين و لا لمين على كل ال birthday wishes اللي جاتلي امبارح و النهاردة و مكمله .... بس معرفش ليه بعد كل ده بقيت على الاقل عارفة ان في ناس كتير حتترحم عليا لما امشي، شكرا من قلبي ... حقيقي كل كلمة فرقت معايا ...

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر "سيدتي فن"