تلقت الفنانة ياسمين عبد العزيز طعنة مؤثرة من ليلى الابنة الكبرى لطليقها محمد حلاوة من زوجته الأولى، التي أطلقت تهديدا شديد اللهجة لياسمين طالبتها فيه بالتوقف عن ادعاء الصفات الطيبة، مع تلميحات بأن ياسمين كانت السبب في انفصال والديها، وحرمانها من والدها طوال السنوات الماضية، وبادر جمهور ياسمين بالرد بنشر صور نادرة تكشف متانة العلاقة بين ياسمين واسرة طليقها من بينها صورة تجمعها بليلى ولمياء حلاوة.
ليلى محمد حلاوة أطلقت التحذير عبر خاصية الاستوري بحسابها على إنستقرام بعد دقائق قليلة من متابعة حساب الزوجة الثالثة لوالدها الفنانة ريهام حجاج، وقالت: إوعى تدعي حاجة مش فيكي عمرك ما كنتي كويسة مع حد، إنتي اللى خطفتي بابا مننا من 17 سنة وماما على ذمته ومن 17 سنة حاولتى تقطعى علاقتنا ببابا وحاربتينا وأذتينا كتير.
وأضافت قائلة: الناس العادية مش عارفة حاجة بس الناس اللى حوالينا عارفين كل حاجة ياريت تبطلي أذى بدل ما نعرف الكل.
تابعت: إنتى اللي قاطعانا عن إخواتنا من يوم ما اتولدوا وكفاية اللي عملتيه من شهر معايا في شرم الشيخ قدام الناس .
ووجهت تهديدا مباشرا لياسمين عبد العزيز بقولها: عيب وكفاية وبطلي تظهري بصورة مش حقيقتك.
بادر عدد كبير من جمهور ياسمين عبد العزيز بالرد على ليلى حلاوة وعمتها لمياء، بنشر صور قديمة تجمعهن بياسمين وتظهر المودة الكبيرة بينهن بعكس تصريحاتهن الأخيرة.
يذكر أن ليلى ثاني واحدة من أفراد عائلة حلاوة توجه انتقادا لياسمين عبد العزيز بعد عمتها لمياء حلاوة، التي ظهرت بالفيديو لدعم ريهام حجاج ومطالبة ياسمين عبد العزيز بطي صفحة العائلة بالكامل.
لمياء أشارت إلى تعليق ياسمين عبد العزيز على حوار ريهام حجاج مع الإعلامية بوسي شلبي والتي قالت فيه على الله حكايتكم يا جوز حرابيق، واعتبرت التعليق جزءا من معركة تشنها ياسمين على العائلة منذ ثلاث سنوات.
وأضافت في مقطع فيديو أعاد رجل الأعمال محمد حلاوة نشره عبر حسابه بموقع إنستقرام: الحقيقة أنا شفت برنامج ريهام صاحبتى وأختى وزوجة أخويا، أنا فرحانة جدا بيه، خاصة إنها قالت كلام محترم وكلام من قلبها.
وتابعت: الحاجة اللى ضايقتنى وأزعجتنى جدا، ودى حاجة عائلية، إن أنا فوجئت بكلام بيتقال من كم ساعة.. زى حرابيق.. وكلام ميتصحش يتقال.. يا جماعة إحنا بقالنا 3 سنين بنتحارب ونتهاجم.. وبيتقال علينا كلام غلط وإحنا مابنردش عشان مصلحة ولادنا.. عشان ده اللى اتعلمناه في الدنيا إننا نخاف على ولادنا.
ووجهت رسالة مباشرة إلى إلى ياسمين عبد العزيز قائلة: بس الظاهر إن فيه ناس تانية مش فارق معاها الكلام ده.. إحنا خلاص خرجناكى من حياتنا وقفلنا صفحتك.. مش بس كدة ما بنفتكركيش.. وعايزينك انتى كمان تركزى في صفحتك وتنسينا.. وحاولى إن أنتى تكونى سعيدة.. لإن إحنا بقينا سعداء وإحنا بعيد عنك.. يارب يكون الكلام ده وصلك.. لأن أنتى بكدة بتبوظى الصفحة الجديدة بتاعتك كمان.
لمشاهدة أجمل صور المشاهير زوروا أنستغرام سيدتي
