نصحت الفنانة زينة جمهورها على إنستقرام بالتعلم من أزمتها الشهيرة، مؤكدة أن العلاج الوحيد للظلم هو التمسك بالصبر، واليقين بأن الله اسمه العدل، وأشارت إلى أن التجربة الصعبة علمتها أن تكون أقوى ومنحتها القدرة على تخطي الصعاب، والمثير أن زينة قامت بحذف المنشور دون سبب.
زينة نشرت مقطع فيديو تتحدث فيه عن أزمتها الشهيرة مع النجم أحمد عز ونسب طفليها التوأم، وقالت فيه: لو تعرف أنا تعبت إزاي أنا كان بيجيلي أوقات وحياة ربنا بخاف أنام ما قومش من كتر الزعل.
وعلقت زينة على الفيديو قائلة: بصراحةً بقف عاجزة قدام الفيديو ده وبقول مين دي!واستحملت ازاي! وصبرت اد إيه !اتعلموا الصبر حتي لو على الظلم...وصدقوني ربنا كريم واسمه العدل...حتى الوجع هايتنسي.
وتابعت: أنا أصلا حاسة إني بشوف واحدة بتقطع قلبي بس مش عارفاها... نسيتها بكل وجعها... ربنا حنين أوي علينا حبكم ليا كان سند كبير بعد ربنا ودعواتكم، اتعلموا الصبر والرضا... أنا اليوم أقوى أنا اليوم أفضل أنا اليوم سعيدة...أنا كل يوم أقدر نعم الله أكتر ...الف حمد ليك يا رب.
وسبق أن أكدت زينة، إن نجليها التوأم "زين الدين وعز الدين" صارا يتحكما في الكثير من قراراتها، ومنها عدم ارتداء ملابس مكشوفة من عند الصدر وأشارت إلى أنها تحترم رأيهما للغاية، وتخلل اللقاء مفاجأة بعدما حاولا دخول موقع التصوير ولكنها رفضت ظهورهما واكتفت بنشر صورة لهما من الخلف.
زينة أكدت خلال حوارها مع برنامج "et بالعربي": أولادي منعوني مثلا ألبس حاجة مفتوحة، عشان دي حتة المفروض محدش يشوفها، وأنا بعملهم أن جسمهم مينفعش حد يلمسه لأنه بقينا بنخاف على الأولاد زي ما بنخاف على البنات بالظبط.
تابعت: أنا بحترم رأي أولادي وبسمع كلامهم، واللي بيتكلم دايما ويتناقش ويدي أوامر وكده هو زين، واللي مبيتكلمش وبتاع حركات هو عز، وما شاء الله في واحد فيهم صوته حلو أوي، معرفش إزاي، واحد بيغني والتاني بيمثل".
وبررت زينة رغبتها في عدم ظهور طفليها قائلة: هما دلوقتي أطفال، خلوهم يعيشوا سنهم، لما يكبروا يبقوا يقرروا يظهروا أو لأ، وهما أوردي بدأوا ينتبهوا لتيك توك، وفي ناس كتير غيري مش بيظهروا أولادهم، وهما أبوهم وأمهم فنانين، وفي مشاكل حصلت زمان بيني وبين أبوهم وكده، وعشان كده مظنش أن ظهورهم هيبقى مفيد.
وتحدثت زينة عن سبب عدم زواجها مجددا، قائلة: في أجمل مني بكتير وما تجوزوش خالص، وأنا على الأقل جربت حظي مرة، مضيفة: أنا سعيدة وراضية جدًا وواخدة نصيبي 24 قيراط، وكل حاجة كويسة ما دام الصحة والستر موجودين خلاص.
وتابعت: ممكن حصلت لي حاجة مفيهاش حظ ادتني أحسن حاجة في حياتي، فخلاص الوحش راح وفضلنا بالحلو.
لمشاهدة أجمل صور المشاهير زوروا أنستغرام سيدتي
ويمكنكم متابعة آخر أخبار النجوم عبر تويتر "سيدتي فن"
