وضعت الفنانة الشابة منة عرفة خطوطا حمراء أمام المنتجين والمخرجين، مؤكدة إنها لن تقبل أي عمل فني يتضمن مشاهد القبلات والأحضان ولن تسمح لأي فنان أن "يحملها" ضمن المشاهد التمثيلية، وقالت أن هذه المشاهد يمكن تقديمها بطريقة "لا تجرح" إحساس المشاهد، كما كشفت عن صدمتها من "فرحة الناس" بخبر طلاقها من محمود المهدي.
تصريحات منة عرفة المثيرة للجدل صدرت أثناء حلولها ضيفة على الإعلامي نزار الفارس برفقة زوجها، وقالت تعليقا على الأزمة الأخيرة مع الفنان محمد نجاتي: أنا لا بتشال ولا بتحضن ولا بتباس، ولا بعمل الحاجات دي.
وأضافت: هو كل اللي بيمثلوا بيتحضنوا، أنا عندي خطوط حمراء، اللي يحترمها تمام اللي مش عجبه ممكن يشوف زميلة تانية تقبل تعمل كده، أنا في الأرشيف بتاعي بعد زمن طويل أنه يتشاف كويس، وشطارة المخرج أو الممثل أنه يوصل الرسالة دون ما يجرح مشاعر المشاهد.
وأجابت منة عرفة على سؤال الإعلامي نزار الفارس ليه تجوزي راجل متجوز مرتين وعنده أولاد؟، قائلة: أنا واحدة أول مرة أتجوز ويبقا عندي راجل ابقا مسئولة منه، محمود عشان اتجوز قبل كدا فعنده الخبرة دي بيعرف يتعامل مع الست ازاي.
وأضافت: محمود عارف يعني ايه مسئولية، والدنيا كلها مطلقة، ولو اطلقنا في المستقبل دا هيبقا نصيب، مش سبب انه طلق قبل كدا.
وعبرت منة عرفة عن دهشتها من ردود الفعل التي تلقتها بعد خبر انفصالها عن زوجها محمود المهدي، وقالت: أنا كنت متخيلة أن الناس بتفرح لبعض وطلعت غلطانة، محدش بيفرح لحد غير صاحبك ومامتك وباباك وأخوك.
وأضافت: أنا كل ما أنزل صور بيبقا في نسبة من الناس بينتقدوا بس، وفي أكيد ناس فرحت أول ما سمعت خبر طلاقي، ومش فرحوا بس دا في ناس كانوا عاملين رهان على أننا هنطلق وفعلًا فرحوا فينا جدا.
يذكر أن منة عرفة أعلنت عودتها لعصمة زوجها بعد أيام قليلة من الانفصال، واعترفت بأنها أخطأت بمشاركة الجميع تفاصيل حياتها الخاصة، وقالت منة عبر خاصية ستوري على حسابها بإنستغرام: من أصعب اللحظات الي ممكن تعدي على اي ست لحظة الانفصال وخراب البيت، الطلاق بيتهز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فا بقى ابغض الحلال عن الله بنسبالكو نكتة او حاجة تتمسخروا عليها، رهان بتعملوه مع بعض على اننا مش هنكمل، أو مادة خام للشماتة فينا.
وأضافت: خراب البيت عمره ما كان حاجة سهلة على الست او على الرجل او على اهالينا، في عز ضعفي وحزني وكسرتي اللي ربنا ما يكتبها على اي ست مرحمتونيش ولا قدرتوا اني في موقف لا احسد عليه وشمتانين فينا.
وتابعت: قد ايه انتوا ناس متعرفش ربنا ولا في في قلوبكم رحمه، اتمنوا الخير لبعض يا جماعة بلاش نشمت في بعض، لكن دي غلطتي اني شاركتكوا حياتي الشخصية.
وواصلت قائلة: الانسان بيغلط عشان يتعلم وانا اتعلمت، ربنا يعينكوا على نفسيتكوا الجحيم دي، وعسى ان تكرهوا شيئ وهو خيرًا لكم، يمكن الخلاف اللي حصل كشفلنا ناس كتير حوالينا كانوا بيمثلوا انهم فرحانين لينا بس الحقيقي انهم كانوا مستنيين أول مشكلة عشان يشمتوا في كسرتي وخراب بيتي.
واختتمت منشورها قائلة: ربنا مش هينولهلكوا وربنا يخليلي اهلي وزوجي والناس اللي بتتمنالي الخير ووقفت جمبي، وكلمه أخيرة للسادة الصحفيين ارجوكوا كفاية بقى ارحمونا حرام عليكم.
وسبق أن كشف محمود المهدي سبب طلاقه للفنانة منة عرفة، مؤكدا أنه رجل شرقي وصعيدي وهناك أمور لا يمكن أن يقبلها، وبنفس الوقت عدم حدوثها قد يؤثر على فرص منة عرفة في تحقيق حلمها الفني، لافتا إلى أن فضّل الانفصال عنها بدلا من الوقوف أمام عملها.
المهدي الذي تزوج منة وهي فنانة، وهو نفسه عمل في مجال الإنتاج والتمثيل وعلى دراية كاملة بما يحدث داخل الوسط الفني، اختار التبرير المثير للجدل، وقام بنشره عبر خاصية ستوري لحسابه على موقع انستغرام، قائلًا: الناس اللي بتتصل وتسأل خلاص كل حاجة قسمة ونصيب وأنا كراجل شرقي صعيدي في حاجات مش هتنفع معايا.
وأضاف المهدي: الحاجات دي هتوقفها عن شغلها وحلمها وأصدقائها في الوسط الفني فأكيد مش هقف في ده وربنا يكرمها في المجال الفني وتوصل أعلى حاجة فيه بالتوفيق للجميع.
يذكر أن المهدي أثار الكثير من الجدل طوال ليل أمس، حيث نشر أولا صورة لبطيخة، وعلق عليها قائلا: الزواج بطيخة يا حمرا يا قرعة.
وبعدها أعلن الانفصال عن منة عرفة رسميا بجملة قصيرة قال فيها: تم الانفصال.. كل حاجة قسمة ونصيب.. وربنا يوفقها فى حياتها اللى اختارتها.
بينما أعلنت منة عرفة الانفصال بتنويه عبر خاصية الاستوري بحسابها على انستغرام قالت فيه: كل شيء قسمة ونصيب تم الانفصال وربنا يوفق الجميع.
لمشاهدة أجمل صور المشاهير زوروا «إنستغرام سيدتي»
ويمكنكم متابعة آخر أخبار النجوم عبر «تويتر» «سيدتي فن»
