كشفت الفنانة إيناس النجار عن جنسيتها الحقيقية للمرة الأولى، موضحة أنها تحمل الجنسية التونسية وليست المصرية، كما يعتقد أغلب محبيها، وقالت خلال حوارها مع الفنانة انتصار وبدرية طلبة ونوليا، في برنامجهن «من غير نفسنة: بدأت تمثيل من بدري أوي وأنا صغيرة من سنة 2003، كنت طفلة كان عندي 13 سنة، وأول فيلم عملته مع انتصار كان عندي 16 سنة، أنا وهي كنا صغيرين».
وتابعت إيناس النجار، حديثها عن بدايتها الفنية قائلة: «والدي الله يرحمه هو اللي كان بيشجعني على التمثيل، وبعدين أختي كانت بتدعمني، وموضوع التمثيل كله جه صدفة؛ لأني كنت بعمل إعلانات، وبعدين دخلت في مسلسل العصيان، وبعدين اترشحت في فيلم ميدو مشاكل، كل حاجة جت صدفة مكنش في حاجة مترتبة».
وأضافت إيناس النجار: «أستاذ أحمد السبعاوي هو اللي اكتشفني، وبعدين أستاذ محمد النجار اشتغلت معاه فيلم ميدو مشاكل، وبعدين اشتغلت فيلم بحبك وأنا كمان، فقالي اسم إيناس عبد الناصر تقيل شوية والناس ممكن متفهمهوش، فأنا هكتب اسمك إيناس النجار وحتبقي ابنتي فنياً».
إيناس النجار: أحلم بمنزل في مصر
كما تحدثت إيناس النجار عن تفاصيل حياتها الشخصية، موضحة أنها تُقيم في مصر وتزوجت من رجل مصري، قائلة: «عندي بيت حلو في تونس، ولكن بحلم ببيت في مصر؛ لأني عايشة هنا ومستقرة من سنين كتير أوي، وناس كتير أوي بيقولولي لهجتك مصرية أوي، وأنا مقدمة على الجنسية المصرية وإن شاء الله هتيجي».
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
