كشفت الفنانة شيماء سيف عن خضوعها لعملية تكميم المعدة؛ لكي تخسر 50 كيلو من وزنها، مؤكدة أنها أخذت قرار الخضوع للجراحة بعد تشجيع من زميلتها الفنانة مي كساب، التي خاضت نفس التجربة مؤخراً، وأشارت شيماء إلى أنها وافقت على الجراحة رغم خوفها من التدخلات الطبية؛ لأن وزنها الزائد بدأ يؤثر سلبياً على صحتها، وأشارت إلى أنها قامت بتغيير مفصل في ركبتها بسبب الألم الذي تعاني منه، وكان سبباً في صعوبة حركتها.
شيماء سيف: كنت أرفض الخضوع لأي برنامج تخفيض للوزن
وقالت شيماء سيف، أثناء حلولها ضيفة على ياسمين عز، في برنامج «كلام الناس»: "أنا عاملة نيولوك، وعملت العملية بتاعة تكميم المعدة، وخدت القرار، بالرغم من إني صاحبة مقولة ليه أعمل ريجيم وقدامي مكرونة بشاميل وشوكولاتة، ولكن كنت بقول كدا عشان صحتي كانت كويسة".
تابعي المزيد: شيماء سيف تتحدث عن ذكريات نشأتها وعلاقتها بجدتها
وتابعت شيماء: "لكن فجأة ودون سابق إنذار رجلي وجعتني، وركبتي مكنتش قادرة منها، ومش عارفة أعمل إيه، وأطلع السلم وأصرخ، وكان عندي وجع فظيع، وكلمت دكتور قالي لازم أعمل أشعة، ولما بعتهاله، قالي إحنا لازم نعمل تغيير مفصل حالاً".
مي كساب شجعت شيماء سيف على تكميم المعدة
وأكملت: "أنا أرفض دخول المستشفيات، وانهرت وجالي اكتئاب، وعنيا كانت بتدمع من كُتر ما كنت زعلانة، ورُحت لدكتور تاني، قالي إني مش محتاجة أعمل عملية، ولكن انتي محتاجة تخسي، ومي كساب اللي شجعتني وقالتلي متقلقيش يا شيماء ويلا ولازم نعملها، وفعلًا خدت الخطوة".
وأشارت شيماء سيف إلى أنها فقدت 50 كيلو من وزنها بعد عملية التكميم التي أجرتها، مؤكدة أنها راضية بحالها الآن.
كواليس التصالح بين شيماء سيف وهنا الزاهد
وتحدثت شيماء سيف عن كواليس خلافها مع الفنانة هنا الزاهد، الذي استمر 8 سنوات كاملة، وانتهى مؤخراً بالصلح في حفل زفاف الفنانة ريم سامي.
وقالت شيماء سيف: "أقسم بالله أنا عارفة إن الناس مش هتصدقني، أنا أبسط وأتفه في الخناقات مما أنتم متخيلين، والمشكلة كانت مع صاحبتي وكنا رايحين مع بعض عزاء وحصل مشكلة بسيطة أوي وقتها، وكل واحدة راحت لوحدها، وهي بدأت ونزلت عندها إن الأشخاص اللي ربنا بيبعدهم عنك بيبعدهم علشان بيحبك، علشان كده لقحت عليها، ونزلتها على الملأ علشان تشوفها وأختها تشوفها، واتصالحنا ومفيش أي حاجة".
وأضافت شيماء سيف: «في البرامج الهارد توك شو، بيبقوا عايزين يجيبوني وأنا مش لايقة على البرنامج وبيتكلموا على مشكلة قديمة علشان مفيش، ولكن أنا عندي 20 خناقة جديدة ومتعرفتش، وعملت مشاكل مع واحد قريب، وهو اتخض مني علشان كان فاكرني كيوت، وأنا كنت بصلي في الكرافان وزعقلي وقالي إحنا كل ده مستنينك، وأنا أصلاً مخدتش 5 دقائق لأن المخرج كمان راح يصلي».
واختتمت: "الشخص ده كان عايز يتصيد خطأ، وهو عَلّى صوته وعلّيت صوتي وجري، وكانت خضة لأنه كان متخيل إني كيوت، ولكن أنا شبح ومش متربية في الزمالك، وكنا بنصور في نادي والناس كلها كانت فرحانة فيه".
لمشاهدة أجمل صور المشاهير زوروا «إنستغرام سيدتي».
وللاطلاع على فيديوغراف المشاهير زوروا «تيك توك سيدتي».
ويمكنكم متابعة آخر أخبار النجوم عبر «تويتر» «سيدتي فن».
