وجهت الاعلامية المصرية سالي عبد السلام أغرب رسالة لجمهورها، طالبته فيها بتركها في حالها، وعدم التركيز مع شعرها بعدما بدأ في التساقط، بسبب ما وصفته بـ"الحسد" ، وألقت في وجه الجميع بالأدعية الخاصة لمنع الحسد، مؤكدة أنّ النجوم يدفعون ثمن "تركيز الجمهور" في حياتهم الخاصة، واستشهدت بطلاق براد بيت وأنجلينا جولي، وردّ عليها البعض بنصيحة عاجلة لزيارة الطبيب، لأنها مصابة بمرض خطير قد يحوّلها لصلعاء إذا أهملت علاجه!!.
سالي الحزينة على تساقط شعرها، وجهت رسالة صادمة لمتابعيها عبر حسابها الشخصي بموقع الفيس بوك، وقالت: لكل حد كتب كومنت على راسي والله ..انا بقرأ الاذكار كل يوم مبفوتش فرض وبالسنن وقيام الليل الحمد لله ..المعوذات قبل ما انزل، القرآن والبخور كل يوم كل يوم والله.. وبحلف بس والله كدة كتير عليا! انا تعبت!!
تابعت قائلة: عمري ما كنت بركز فى الحسد بس مؤمنة بيه..مبركّزش من كتر ما بيتقالي انتي محسودة والناس مركزة معاكي بزيادة؟!!! انا؟؟ طب ليه؟؟! ييجو يشوفوا الواقع..ولا حاجة بتكمل فى جميع النواحي الحمد لله..عمري ما زعلت على شغل راح او جوازة او عربية، او صحاب، وببقى عارفة ان ده تركيز، وناس بتتمنى زوال النعمة منّك، اعوذ بالله ربّنا يدّيهم اضورها بـ"الحعاف اضعاف اللي بيفكروا بس فيه..لكن في شعري الاقيه كدة امبارح فجأة لا!!!!
أوضحت ما جرى قائلة: كدة كتير و فوق طاقتي يا ربي ...لما الاقي غروبات كتير بتتكلم على شعري، ويا ترى ده اكستنشن ولا زفت والا، ولا كلمة ما شاء الله او اللهم بارك، كله غل او يقول ده مش شعرها، وانا اتبرع واحط صوري، وانا صغيرة عشان اقولهم دي طبيعة شعر، مش طريقة معينة للاهتمام عشان محدش يضحك عليكم، بحسن نية للي بيسأله ويحصلّي بعدها كدة.. في شعري ٣ مناطق مفيهاش شعراية!! الاقي بوست زي ده معمولي اكتر من ٢٠٠ منشن فيه، وعلى الواتس اب والماسنجر واقرب صحاب ليّا زعلانين، ويقولولي ربنا يستر عليكي بجد دول عينيهم وحشة هيحصل حاجة!!!! وانا اكبر وأضحك...لا اهه حصل!!!
تابعت: كدة كفاية والله..والله كفاية ! مفاضلش غير شوية الرضا، وتقبّل الدنيا اللي مخليني قادرة اكمل..ابوس ايدكم بلاش دول كمان! ده مش هزار، ممكن تأذي حد غصب عنك او نفسك، وبتحصل فعلًا لازم تقول ما شاء الله، او اللّهم بارك وصفي نيّتك! السوشيال ميديا بجد ضيعتنا كلنا!! قالك بيكتبو بوستات انجيلينا وبراد بيت مطلقوش ليه، والناس هتحسدك انتي وهمّ مجرالهمش حاجة ويهزّروا مع بعض كدة اهم اتطلقوا!!! ركز فى كل حاجة هزرت عليها !! حصلت...
ووجهت أدعية اتقاء العين والحسد قائلة: أعوذ بكلمات الله التامات من شر ما خلق. أعوذ بكلمات الله التامة من كل شيطان وهامة، ومن كل عين لامة، #حسبي_الله_ونعم_الوكيل #لا اله_الا_الله #لا_اله_إلا_أنت_سبحانك_أني_كنت_من_الظالمين، ومستكترين عليا اعمل هاشتاغ msa..والله يا ريتني كتبت وقلت وبعد كدة هقول فى وش اي حد واحرجه او حاسد، هقوله وربنا لازم يردهالي اللي مبضيعش عنده حق حد..الحمد لله.
اللافت أنّ عددًا كبيرًا من جمهورها، نصحها بزيارة طبيب أمراض جلدية بأسرع وقت، لأن الصور تُظهر إصابتها بمرض الثعلبة، ولا يجب أن تتوقف أمام الحسد والعين، لأنّ العلاج السريع مهم لتدارك المرض ومنع انتشاره.
لمشاهدة أجمل صور المشاهير زوروا أنستغرام سيدتي
