نجت المطربة الشّابة رنا سماحة من حادث سيرٍ مروّع فجر اليوم الأحد، أسفر عن تحطّم مقدّمة الجانب الأيمن من سيارتها، فيما حرصت على طمأنة جمهورها ومحبّيها بنجاتها.
نشرت رنا صوراً للسيّارة بعد تحطّمها عبر حسابها على موقع التواصل الاجتماعى الفيسبوك، وعلّقت عليها قائلة: الحمد لله وقدّر الله وما شاء فعل أنا بخير ما تقلقوش الحمد لله جت في العربية.
المثير أنّ فتاةً أخرى نشرت نفس صور الحادث للسيارة المرسيدس الحمراء بنفس التوقيت وقالت أنّها تعرضت لحوادث سيارات ثلاث مراتٍ متتالية، وتبيّن فيما بعد أنّ السيّارة ملك رنا سماحة وكانت الفتاة الأخرى بصحبتها أثناء الحادث.
والأكثر إثارةً أنّ رنا قبل الحادث بساعاتٍ قليلة استعرضت مع جمهورها "شريط حياتها" وقالت: امبارح مرّ قدامي شريط حياتي، وافتكرت قد ايه تعبت من بدايتي لحد النهارده، وشفت السلّم اللي طلعته من نقطة الصفر لدلوقتي، وطلعت بكم نتيجه يمكن حد يستفيد.
تابعت قائلة: أولاً إن ربنا ده كريم أوي وده أول وأهم وأكبر فضل ونعمه ف حياتي وماينفعش تحت أي ظرف أنسى الفضل ده كل مرحله عدّيت بيها وكل ثانية تعب أو شقى شفتها ربنا عوّضني وبيعوضني عنها خير ونجاح وحب الناس اللي هو نعمه عظيمه أوي من ربنا
فالحمد لله دائماً وأبداً على كل نعمه وأعوذ بالله من أي لحظة كبر أو غرور أو تكبر ممكن تصيبني كبني آدم.
أضافت: ثانياً اهلي اللي تعبوا ووقفوا جنبي من أول ما اتولدت لحد ما بقيت إنسانه ليها كيان وطموح وشخصية فضلهم عليا كبير جداً وخصوصاً دعوة أمي وأبويا اللي عايشه بيها ف حياتي
ثالثاً كل ظرف مريت بيه أو كل يوم شفتهم وكل خبره اكتسبتها في خلال سنين عمري في أي شغل اشتغلته حتى قبل شغل المزيكا خلاني بقيت راجل صلب ومسؤول وعارف وحاسس قيمة التعب والنعمه الكبيره اللي ربنا أنعمها عليا واللي لازم أحافظ عليها تحت أي ظرف من الظروف.
واختتمت شريط حياتها بقولها: رابعاً الحمدلله في كل مراحل حياتي دايماً بيكون حواليا دايره من الناس اللي ربنا بيجعلهم سبب في إني يكون عندي أمل وحافز وطاقه إني أكبر والنَّاس دي عمري ما هنسى فضلهم ف حياتي، وأخيراً أعوذ بالله من أي لحظة كلل أو ملل أو إحباط أو يأس أو كبر أو غرور ممكن يصيبني والله على ما أقوله شهيد.
الموضوع السابق
