تدارك الفنان أمير كرارة سريعا أزمة حجب صورة زميله الفنان محمود البزاوي عن البوستر الرسمي الأول لفيلم "كازابلانكا" وتفاعل مع الرسالة المؤثرة لأكرم ابن البزاوي التي وجدت تعاطفا كبيرا داخل الوسط الفني، وقام كرارة بنشر أول بوستر يجمعه بزميله.
أميرة كراره نشر بوستر "غير رسمي" تم إعداد سريعا لتدارك الأزمة وعلق عليها برسالة لافتة قال فيها: لو الحرب ابتدت هتزعل يا بزاوي، وعلق على رسالة أكرم محمود البزاوي الغاضبة من استبعاد صورة والده قائلا: ابوك اجمد واحد في الفيلم علي فكره وحوريك في العيد.
المخرج بيتر ميمي الذي اثار الأزمة بعد نشر البوستر الرسمي لفيلم "كازبلانكا" خاليا من صورة النجم محمود البزاوي رغم وجود صورة الممثل الشاب أحمد داش، علق هو الآخر على رسالة أكرم البزاوي قائلا: يا اكرم عيب الكلام ده ، ابوك اهم من بوستر و اهم من الفيلم كله علشان تقول كلام زى ده تصغره ، مش بوستر مبدئى يخليك تحس بكده ، ده محمود البزاوى صلاح بيه الطوخى و البوسترات بتختفى بعد شهور و بيفضل الفيلم.
وتضامن أحمد فلوكس مع زميله البزاوى قائلا: يا اكرم ابوك من اهم و اجمل النجوم اللي مثلوا و كتبوا في الزمن بتاعنا و ابوك اكبر من اي حاجه ... و تعبه هيبان و انا متاكد من ان بيتر هايبين تعبه و شقاه لانوا حقاني ... انشاء الله هيتعرض الفيلم و هاتكون فخور بشغل والدك و تعبه.
التعليقات شهدت تضامنا من النجوم صلاح عبدالله ومي كساب وأيمان العاصي، وأحمد السعدني، وأجمعوا على موهبة البزاوي ومكانته داخل الوسط الفني، واشادوا بابنه أكرم ومحبته واخلاصه لوالده.
أكرم البزاوي علق على مبادرة النجم أمير كرارة وتعاطف أغلب نجوم الفن مع رسالته قائلا: متشكر جدا لتقدير الناس و انهم فهموا كلامي صح و ماتفهمش غلط و احب اشكر استاذي و حبيبي امير كراره و انه اهتم و فهم انا بتكلم في ايه و بشكره جدا انه استحملني انا بحب حضرتك جدا.
تابع قائلا: تاني حاجه احب اشكر بالخصوص عم صلاح عبدالله حبيبي و ابويا و استاذي الجميل استاذ صبري فواز .. و ابويا الصغير احمد السعدني و استاذه ايمان العاصي و استاذي الجميل و الكوميديان العظيم سليمان عيد .. و حبيبي و استاذي المجتهد بيتر ميمي اللي صنع شخصية صلاح الطوخي و قدمها للجمهور بالشكل الجميل اللي كل الناس حبته .. و أستاذتي الجميله الطيبه مي كساب .. شكرا على كلامكم الحلو اللي فرحني جدا .. و اشكر كل الناس اللي بعتولي بجد بشكركم جدا و اسف لو نسيت حد و اسف لو كنت مزعج لأي حد منكم.
أكرم اثار ضجة كبرى على مواقع التواصل الاجتماعي بعدما نشر رسالة عبر صفحته على موقع الفيس بوك قال فيها: مبدأيا ابويا ماعندوش اي فكره عن البوست ده انا ابويا طيب و يمكن طيبته دي هي اللي كانت سبب في تأخير نجاحه وأنه كتب من الباطن كتير مثلا زي ما قولت قبل كده و كان دايما بيعمل حاجات وتنجح ومفيش حد يعرف أنه له دور في نجاح العمل ده بس اللي كان بيصبره ان ربنا هيعوض.
وأضاف أكرم: وبعد ما قدر يوصل بدراعه للي هو فيه لسه في ناس مش مقتنعة بي .. بس ده حقهم لان مفيش حد عليه اجماع بس طالما مش مقتنع بحد يبقى ماتحرجوش وابعد عنه أحسن لأنه في نظرك مش الشخص اللي يفيد .. في رأي الشخصي ناس كتير بتعرف تتصور بس مش الكل بيعرف يمثل .. و اسف لو كنت منحاز اوي في كلامي لابويا بس زي ما قولت ده ابويا اللي نجاحه بيسعدني اكتر ما بيسعدني نجاحي.
واختتم كلامه: ملحوظة: أبويا قالي انه عامل دور مهم في الفيلم ده.. و يمكن بيكدب عليا و طالع كومبارس .. ساعتها هتأسف على البوست.
