تقدم المطرب محمود العسيلي باعتذار من جمهوره عقب تسريب مقطع فيدو تعمد فيه ن إحراج شاب خلال إحدى الحفلات، وأشار العسيلي إلى أن الأمر فهم بالخطأ ولم يكن يقصد الإهانة ولكنه بكل الأحول يتعذر لأنه أخطأ في التصرف واختيار الألفاظ مؤكدا أن الفنان بدون جمهوره "ولا حاجة".
وكتب العسيلي في اعتذار رسمي من كل جمهوره: أي فنان عارف أنه من غير جمهوره هو ولا حاجة وصفر على الشمال، وإن من تواضع لله رفعه، باعتذر بشدة لكل الناس اللي اتضايقت من الفيديو اللي انتشر، وباعترف أني كنت غير موفق تماما في اختيار الألفاظ لكن الصورة والله ناقصة وكان كل نيتي عدم تمييز حد عن حد أثناء الحفلة انا اسف مرة تانية.
وقال: النقطة التانية أنا حاولت أقول للشخص اللي انا كنت باكلمه أن ماينفعش نتصور عشان الناس دي كلها لازم تتصور تلات مرات برا الميك لكن هو كان لحوح جدا ومصمم وكان صوته عالي جدا وبيزعق وانا مش عارف اغني فلأسف قلتله كدا بحسن نية وللأسف كل الكلام دا مش باين في الفيديو.
وكان العسيلي أثار حالة من الغضب عبر مواقع التواصل الاجتماعي بعد إحراجه لمعجب أراد التقاط صورة تذكارية معه في إحدى حفلاته، فردّ عليه قائلًا: حضرتك معاك واسطة أو حاجة جامد جدًا مثلًا.. يعني أنت اللي بتحبني وكل الناس دي بتكرهني.. لو اتصورت مع حضرتك لازم اتصور مع كل الناس دي وهو الأمر الذي أغضب الكثيرين منه.
مقطع الفيديو المثير للجدل تم تداوله عبر مواقع التواصل الاجتماعي بواسطة فتاة من حضور الحفل، و يظهر العسيلي وهو واقف على خشبة المسرح ويخاطب واحدا من الجمهور الذي يبدو أنه طلب التقاط صورة شخصية معه قائلًا: حضرتك معاك واسطة أو حاجة أو جامد جدًا مثلا"
ويبدو أن من طلب التصوير معه رد عليه قائلا له إنه يحبه ليرد عليه العسيلي: إنت بتحبني وكل الناس دي بتكرهني مثلا؟، يعني لو اتصورت مع حضرتك مش لازم أتصور مع كل الناس دي صح ولا أنا غلطان؟.
وعلقت الفتاة التي نشرت المقطع غاضبة: الصح يا استاذ عسيلي ان انت ولا حاجة ف سوق الغنا .. الصح انك بتحزق وانت بتغني .. الصح ان مكانك المفروض مايبقاش على الاستيدج ده هنا، وايدها في موقفها عدد كبير من متابعيها.
لمشاهدة أجمل صور المشاهير زوروا أنستغرام سيدتي
